Lead Researchers Promotion

 

የባዮ እና ኢመርጂንግ ቴክኖሎጂ ኢንሲትትዩት የ2015 ዓ.ም በጀት የእቅድ አፈጻጸም ግምገማ ፣2016 እቅድ ውይይት እና የመሪ ተመራማሪዋች እውቅና የመስጠት መረሐ ግብር በቢሾፍቱ ከተማ በትናንትናው እለት አካሄደ

ሰኔ 25፣ 2015 ዓ.ም


 

የባዮ እና ኢመርጂንግ ቴክኖሎጂ ኢንሲትትዩት የ2015 ዓ.ም በጀት የእቅድ አፈጻጸም ግምገማ ፣2016 እቅድ ውይይት እና የመሪ ተመራማሪዋች እውቅና የመስጠት መረሃ ግብር  የተቋሙ ዋና ዳይሬክተር ዶ/ር ካሳሁን ተስፋዬ ፣ ም/ዋና ዳይሬክተር ዶ/ር ሃይሉ ዳዲ እና ከፍተኛ አመራርና ሰራተኞች በተገኙበት አካሂዶል፡፡

በእለቱን የመክፈቻ ንግግር ያደረጉት ዶ/ር ካሳሁን ተስፋዬ እንደተናገሩት እንደ ተቋም የዛሬ ሰባት አመት ተቋሙን በሀላፊነት ስናቋቁም ከአንድ ወንበር እና ጠረጼዛ በስተቀር ምንም ያልነበረው ሲሆን አሁን ላይ ይህን የሚያክል ተቋም ተመስርቶ ዛሬ የምናያቸውን ትላልቅ የምርምር ክፍሎች ተከፍተዋል ይህ እንዲሆን ደግሞ የአንድ ወይም የሁለት ሰው ድካም ሳይሆን የሁላችንም ውጤት እንደሆነ፤ ይህም ለቀጣይ አመታት ስንቅ ሆኖ የሚያገለግል ራእይ እንዲኖረን እንደሚያደርግና ተቋማችን  ከተመሰረተ  ሰባት አመታት ቢሆንም የመጀመሪያዎቹን ሁለት አመታት የተቋሙን መዋቅር ስንሰራ የቆየን ሲሆን የቀሩትን አምስት አመታት ራሳችንን ለማየት በቂ ጊዚያት እንደሆኑና በዚህም የተለያዩ የምርምርና የቴክኖሎጂ ውጤቶችን እንደተሰሩ፣ የምርምርና የቴክኖሎጂ ውጤቶቹንም የማሳተምና የባለቤትነት ሰርተፍኬት የማሰጠት ስራ እንደተሰራ ፤ ይህ ስራ አኩሪ ተግባር ቢሆንም የተሰሩም ሆነ የታተሙ የምርምር  ወጤቶች  የማህበረሰቡን ህይወትና ኑሮ እስካልቀየሩ ድረስ ትርጉም እደሌለው አስረድተዋል፡፡ የዚህ ፕሮግራም ዋና ትኩረትም የ2015 በጀት ዓመት የዕቅድ አፈጻፀም የተሰሩትን ዋና ዋና ነገሮች ምን እንደሆኑ እንደተቋም ያላየናቸው የዘለልናቸው አሉ የሚለውን የምናይበት ሲሆን ከዛም ባለፈ ደግሞ ጀምረን ያልጨረስናቸውን ካሉ በራሳችን ላይ ይፋዊ ግምገማ የምናደርግበት እና በሚቀጥለው 2016 በጀት ዓመት ለመስራት የታቀዱትን በማየት የተገፉ የተንከባለሉ ካሉ በአስር ዓመት እቅድ ውስጥ አካተን የምንሄድበት ከድካማችን ተምረን ስኬታችንን በማስቀጠል የብልፅግና ራዕይ የምናሳካበት እንዲሆን ቃል የምንገባበት መድረክ  እንደሚሆን ገልጸዋል፡፡

በመቀጠልም የዕቅድ የእቅድ ዝግጅትና ክትትል ዳይሬክቶሬት አቶ ሂርኮ ሁንዴ የ2015 በጀት የዕቅድ አፈፃፀምግምገማ ሪፖርት አቅርበዋል፡፡ በቀረበው ሪፖርት ላይ ከተሳታፊዎች ጋር ውይይት ተደርጓዋል፡፡

በመጨረሻም በተቋሙ ለመጀመሪያ ጊዜ ለ4 የተቋሙ ተመራማሪዎች የመሪ ተመራማነት ማዕረግ እውቅና ተሰጥቷል፡፡ እውቅናው የተሰጣቸው ተመራማሪዎችም

  1. ዶ/ር የሽመቤት ጫንያለው ጌታሁን
  2. ዶ/ር ሞላልኝ ቢተው አስርስ
  3. ዶ/ር ሙሊሳ ጂዳ ሚዴቅሳ
  4. ዶ/ር ፋንታሁን ወልደሰንበት ምስጋናው ናቸው፡፡

ተማራማሪዎቹ እውቅናው የተሰጣቸው ለሃገራቸው ባበረከቱት በርካታ የምርምር ፣ የቴክኖሎጂና የፈጠራ ውጤቶች እንዲሁም የሰሩትን የምርምር ውጤት ለማህበረሰብ መገልገያነት በማዋል ላስመዘገቡት አመርቂ ውጤት እንደሆነ ተገልጻዋል ፡፡

ከዚህ ባሻገርም ለተቋሙ የምርምር ስራዎች ከውጭና ከሃገር ውስጥ የገንዘብ ድገፍ ያስገኙ ፣ የምርምር ውጤቶችን በታዋቂ ጆርናሎች ላይ ያሳተሙ ፣ የምርምር እና የቴክኖሊጂ ውጤቶችን የባለቤትነት ሰርተፍኬት ያስገኙ ተመራማሪዎች እውቅና ሽልማቶች ተበርክቶላቸዋል፡፡

 

 

Leave a Reply